
ការធ្លាក់ឈាមកំឡុងពេលមានគភ៌ ជាក្តីបារម្ភរបស់ស្រ្តីជាមាតាទាំងឡាយ ។ ២០% ទៅ ៣០% នៃគភ៌សរុបអាចជួបប្រទះបញ្ហានេះនៅកំឡុងពេលត្រីមាសដំបូង។ បញ្ហានេះអាចជាសញ្ញាអាសន្ន ដែលស្រ្តីចាំបាច់ត្រូវត្រួតពិនិត្យនិងតាមដានជាបន្ទាន់នៅមន្ទីរពេទ្យ រឺមណ្ឌលសុខភាពដែលនៅក្បែរផ្ទះរបស់លោកអ្នក។ ផ្ទុយទៅវិញបញ្ហានេះអាចជាផលរំខានតិចតួចតែប៉ុណ្ណោះចំពោះស្រ្តីនិងគភ៌ វាអាស្រ័យលើបរិមាណនៃការធ្លាក់ឈាម និងរោគសញ្ញាផ្គួបផ្សំ (៧០% នៃការធ្លាក់ឈាមរបស់ស្រ្តី គភ៌អាចវិវត្តន៍ធម្មតា) ។ ១) ប្រភេទនៃការធ្លាក់ឈាម៖ -ការធ្លាក់រំអិលឈាមក្រហម ឬក្រម៉ៅ (កករ ឃ្លោក ឬកាកកាហ្វេ) -ការធ្លាក់ឈាមដូចកណ្តាលរដូវ ពណ៌ក្រហម ឬ ក្រម៉ៅ -ការធ្លាក់កំណកឈាម ក្រហម ឬក្រម៉ៅ ២) រោគសញ្ញាផ្គួបផ្សំ៖ – ឈឺពោះ ឬឈឺលើថ្ងាសផ្នែកខាងក្រោមនៃពោះ – កម្រិតឈឺ តិច ឬខ្លាំង…