ជំងឺស្ទះសរសៃឈាមបេះដូង (heart attack) គឹជាឃាតករលាក់មុខដែលបានឆក់យកអាយុជីវិតរបស់បងប្អូនប្រជាពលរដ្ឋយើងជាច្រើន និងក្នុងរយៈពេលមួយពព្រិចភ្នែក។ ប្រសិនបើមិនមានការព្យាបាល ត្រឹមត្រូវ និងទាន់ពេលវេលា ដោយពង្រីកសរសៃឈាមបេះដូងដែលស្ទះឲ្យដំណើរការវិញ (ឲ្យបានមុន១២ម៉ោង) នោះទេ អ្នកជំងឺនឹងប្រឈមមុខនឹងគ្រោះថ្នាក់ដល់អាយុជីវិតខ្ពស់ណាស់ រហូតដល់ លើសពី៣០%។ ជាមួយនឹងបច្ចេកវិទ្យាថ្មីដែលកំពុងប្រើប្រាស់នៅក្នុងមន្ទីរពេទ្យកាល់ម៉ែតបច្ចុប្បន្ន យើងអាចកាត់បន្ថយអត្រាគ្រោះថ្នាក់ដល់អាយុជីវិតនៃអ្នកជំងឺស្ទះសរសៃឈាមបេះដូង ឲ្យមកនៅក្រោម ៣%។ ដោយយោងទៅតាមតម្រូវការជាចាំបាច់របស់ប្រជាពលរដ្ឋ ពេលនេះមន្ទីរពេទ្យកាល់ម៉ែតកំពុងតែបំពាក់បន្ថែមនូវម៉ាស៊ីនអង់ហ្យូក្រាហ្វី (Angiography) ថ្មីមួយគ្រឿងទៀតម៉ាក “SIEMEN” Model ARTIS ONE ដែលជាផលិតផលដ៏ទំនើបរបស់ប្រទេសអាឡឺម៉ង់។ ម៉ាស៊ីនអង់ហ្យូក្រាហ្វីនេះ មានសារៈសំខាន់ខ្លាំងណាស់ ក្នុងការព្យាបាលអ្នកជំងឺស្ទះសរសៃឈាមបេះដូង (Heart Attack)។ ការបំពាក់បន្ថែមនេះ សំដៅពង្រឹងគុណភាពនៃការព្យាបាល ឲ្យកាន់តែមានប្រសិទ្ធភាព គុណភាពខ្ពស់បន្ថែមទៀត ដែលអាចកាត់បន្ថយអត្រាមរណភាពរបស់ប្រជាជនកម្ពុជាឲ្យមានកម្រិតទាបបំផុត។

Microscope opératoire ជាឧបករណ៍ជំនួយដ៏ចាំបាច់ ក្នុងការវះកាត់ជាពិសេសការវះកាត់ខួរក្បាល និងខួរឆ្អឹងខ្នង។ វាមានសមត្ថភាពពង្រីករូបភាពបានច្រើនកម្រិតដែលអាចឲ្យគ្រូពេទ្យមើលឃើញច្បាស់ និងលម្អិតទៅលើកន្លែងដែលត្រូវវះកាត់ ប្រកបដោយប្រសិទ្ធិភាព និងភាពច្បាស់លាស់។ ផលិលផលរបស់អាឡឺម៉ង់ Carl Zeiss នេះជាម៉ាកមួយដែលល្បី និងទទួលស្គាល់ក្នុងពិភពលោក លើគុណភាពខ្ពស់នៃបច្ចេកវិទ្យាMicroscope ហើយដែលគ្រូពេទ្យវះកាត់ខួរក្បាលទាំងឡាយបានទទួលស្គាល់គុណភាពរបស់វា។ យើងមានមោទនៈភាពណាស់ដែលពេលនេះ យើងមានMicroscope ទំនើប និងគុណភាពខ្ពស់សម្រាប់ប្រើប្រាស់ដូចបណ្តាលប្រទេសជឿនលឿនលើពីភពលោក។ ការវិន្និយោគនេះគឺដើម្បីលើកកម្ពស់គុណភាពនៃការព្យាបាល ឲ្យកាន់តែមានប្រសិទ្ធភាពខ្ពស់បន្ថែមទៀត។

វគ្គបណ្តុះបណ្តាលមេកានិកនៃដំណកដង្ហើម និងមុខងារក្នុងការប្រើប្រាស់ម៉ាស៊ីនជំនួយដង្ហើម!!! Workshop training mechanism ventilation and function of respirator ការសិក្សាអំពីមេកានិកនៃដំណកដង្ហើម និងមុខងារក្នុងការប្រើប្រាស់ម៉ាស៊ីនជំនួយដង្ហើម ក្រោមការបង្ហាត់បង្រៀនបន្ថែមដោយលោកស្រី Da Cora Sack មកពី Washington University ក្នុងគោលដៅ ពង្រឹងសមត្ថភាព ក្នុងការប្រើជំនួយដំណកដង្ហើមដល់អ្នកជំងឺ ដែលខ្សោយមុខងារផ្លូវដង្ហើម ឲ្យបានសមស្របតាមតម្រូវការចាំបាច់របស់អ្នកជំងឺ ជាពិសេសប្រើប្រាស់ម៉ាស៊ីនជំនួយដង្ហើមបានត្រឹមត្រូវ និងមានប្រសិទ្ធិភាពខ្ពស់ទៅតាមបច្ចេកទេសនៃការព្យាបាលជំងឺ។

ជំងឺមហារីកមាត់ស្បូន ជាជំងឺមហារីកដែលកើតមានញឹកញាប់ជាងគេបំផុតលើស្រ្តីកម្ពុជា។ មន្ទីរពេទ្យកាល់ម៉ែតជាមន្ទីរពេទ្យថ្នាក់ជាតិទី១ ដែលមានផ្តល់សេវាបង្ការជំងឺមាត់ស្បូនប្រកបដោយបច្ចេកទេស និងបច្ចេកវិទ្យាខ្ពស់ជាងគេ។ កន្លងទៅថ្មីៗនេះ គ្រូពេទ្យឯកទេសផ្នែករោគស្រ្តី ផ្នែកជំងឺមហារីក និងផ្នែកមន្ទីរពិសោធន៍នៃមន្ទីរពេទ្យកាល់ម៉ែត បានបើកកិច្ចប្រជុំពិភាក្សាបែបវិទ្យាសាស្រ្តមួយដើម្បីបង្កើតគោលការណ៍ណែនាំ (guideline) ស្តីពីការបង្ការជំងឺមហារីកមាត់ស្បូន។ ការផ្តល់សេវាបង្ការដោយគ្រូពេទ្យឯកទេសដែលមានបទពិសោធន៍ខ្ពស់ រួមផ្សំនឹងបច្ចេកវិទ្យាចុងក្រោយក្នុងការបង្ការជំងឺមហារីកមាត់ស្បូន នឹងធ្វើឲ្យការបង្ការកាន់តែមានប្រសិទ្ធិភាពខ្ពស់! មន្ទីរពេទ្យកាល់ម៉ែតសូមលើកទឹកចិត្តបង-ប្អូនស្រ្តីគ្រប់រូបឲ្យមកទទួលសេវាបង្ការជំងឺមហារីកមាត់ស្បូន ដើម្បីការពារខ្លួនពីជំងឺដ៏កាចសាហាវនេះ និងដើម្បីចូលរួមកាត់បន្ថយអត្រាកើតនិងស្លាប់ដោយសារជំងឺមហារីកមាត់ស្បូននៅកម្ពុជា។ សម្រាប់ពត៌មានបន្ថែម សូមទំនាក់ទំនងតាមលេខទូរស័ព្ទ ០៨៥ ២២ ១២ ៩២ ។ Cervical cancer is the most common cancer in Cambodian women. Recently, Calmette Hospital organized a…

មន្ទីរពេទ្យកាល់ម៉ែតបានបំពាក់នូវបច្ចេកវិទ្យាថ្មីក្នុងការបង្ការជំងឺមហារីកមាត់ស្បូនដោយការធ្វើតេស្តរកមេរោគ HPV ដែលជាមូលហេតុនៃជំងឺមហារីកមាត់ស្បូន ។ តេស្តថ្មីដែលមានឈ្មោះថា careHPV test នេះ ជាបច្ចេកវិទ្យាចុងក្រោយពីប្រទេសអាឡឺម៉ង់ មានសមត្ថភាពអាចកំណត់បាននូវមេរោគ HPV ប្រភេទកាចសាហាវទាំង ១៤ ប្រភេទដែលអាចបង្កជាជំងឺមហារីកមាត់ស្បូន ។ មន្ទីរពេទ្យកាល់ម៉ែតជាមន្ទីរពេទ្យដំបូងគេបំផុតនៅក្នុងតំបន់អាស៊ាន ដែលបាននាំយកនូវបច្ចេកវិទ្យាថ្មី តេស្ត careHPV នេះ ។ មន្ទីរពេទ្យនឹងដាក់ឲ្យដំណើរការនូវតេស្តថ្មីនេះ ចាប់ពីថ្ងៃទី ១ ខែ កុម្ភៈ ឆ្នាំ ២០១៧ តទៅ ។ សម្រាប់ពត៌មានបន្ថែម សូមទំនាក់ទំនងលេខទូរស័ព្ទ ០៨៥ ២២ ១២ ៩២ ។